Татарстанның 2010 ел бюджет проекты буенча парламент тыңлаулары 22 октябрьдә уза

Закон проектының электрон тексты ТР Дәүләт Советы сайтында gossov@gossov.tatarstan.ru адресы буенча урнашкан
(Казан, 15 октябрь, “Татар-информ”). Татарстан Президенты Минтимер Шәймиев 14 октябрьдә ТР Конституциясе һәм ТР Бюджет кодексының 76, 94 нче статьялары нигезендә, ТР Дәүләт Советына “2010 елга Татарстан Республикасы бюджеты турында” һәм “2010 елга Татарстан Республикасы Мәҗбүри медицина иминияте фонды бюджеты турында”гы ТР закон проектларын юллады.

Закон проекты нигезендә, республика бюджеты керемнәренең фаразланган гомуми күләме 66134549,1 мең сум, республика бюджеты чыгымнарының гомуми күләме 11948748,3 мең сумлык дефицит белән 78083297,4 мең сум тәшкил итә.

ТР Дәүләт Советының матбугат хезмәте хәбәр иткәнчә, “2010 елга Татарстан Республикасы бюджеты турында” закон проекты буенча парламент тыңлаулары агымдагы елның 22 нче октябрендә узачак.
Закон проектының электрон тексты ТР Дәүләт Советы сайтында gossov@gossov.tatarstan.ru адресы буенча урнашкан.