Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Төркия кунакханәләре «All inclusive» системасында эшләүләрен дәвам итә
Төркиянең Казандагы баш консулы туган ягында туристларга нинди таләпләр куелуын әйтте.
(Казан, 15 июль, «Татар-информ», Зилә Мөбәрәкшина). Коронавирус булуга карамастан, Төркия кунакханәләрендә «All inclusive» системасы эшләвен дәвам итәчәк. Бу хакта Төркиянең Казандагы Генераль консулы Исмет Эрикан «Татар-информ» хәбәрчесенә сөйләде.
«All inclusive системасына барыбыз да күнеккән. Шулай да, быел эре кунакханәләр кайбер үзгәрешләр кабул итте. Мәсәлән, ризыкларны үзегез ала алмыйсыз, аларны сезнең сайлау буенча пыяла эчендә урнашкан бүлемнән алып бирәчәкләр» — диде ул.
Эрикан сүзләренчә, Төркия туристлардан коронавирус булмау турында белешмә таләп итми. «Шул ук вакытта туристларның тән температурасын тикшерәчәкләр, битлек кию мәҗбүри таләп булып кала. Төркиядә туристларга 2 метр ара калдыруны пляжда һәм кунакханәдә булганда истә тотарга кирәк була», — дип сөйләде ул.
«Безнең өчен гражданнарның сәламәтлеге — төп өстенлек. Россия гражданнарының безнең илгә сәламәт килүләрен һәм сәламәт китүләрен теләр идек», — дип ышандырды баш консул.
Исмет Эрикан Россия гражданнарының Төркиягә баруны түземсезлек белән көтүләрен белүен әйтте. «Без һава юлларын ачылуны үзебез дә түземсезлек белән көтәбез. Әлбәттә, пандемия аркасында хәлнең җитди булуын аңлыйбыз», — диде ул.
Кызыклы яңалыкларны күзәтеп бару өчен Телеграм-каналга язылыгыз