Татарстанда давыл чыгуы турында игълан иттеләр

Республика территориясендә яшенле яңгыр, урыны белән көчле яңгыр һәм боз явуы ихтимал.
(Казан, 15 май, «Татар-информ»). Татарстанда давыл чыгуы турында игълан иттеләр. Бу турыда Гидрометеорология үзәге хәбәр итә.Бүген кич һәм иртәгә тәүлек дәвамында Татарстан территориясендә яшенле яңгыр, урыны белән көчле яңгыр һәм боз яварга мөмкин.Моннан тыш, секундына 15-20 метрга, ә урыны белән 24 метрга кадәр җил исәчәк. Казанда җилнең тизлеге секундына 15-20 метрга кадәр җитәчәк.