news_header_top_970_100
16+
news_header_bot_970_100

Татарстанда профилактик эшләр үткәрелү сәбәпле телетрансляцияләр туктатылачак

Бу Казан, Чаллы, Түбән Кама һәм республиканың башка шәһәрләрендге телевизор караучыларга кагылачак.

(Казан, 15 апрель, «Татар-информ», Розалия Хәйруллина). 19 апрельдә Татарстанның зур телеүзәкләрендә радиотелевизион җиһазларны планлы тикшерү үткәреләчәк. Шул сәбәпле, 20 цифрлы эфир телеканалы һәм FM-радиостанцияләр трансляциясе туктатылачак.

Татарстан Республикасы Радиотелевизион тапшырулар үзәге матбугат хезмәтеннән «Татар-информ» агентлыгына шул хакта хәбәр иттеләр.

«19 апрельдә 02.00-11.00 сәгатьләрдә Татарстан Республикасының зур телеүзәкләрендә – Казан, Чаллы, Түбән Кама, Лениногорск, Биләр (Зур Алан), Шәмәрдән һәм Әлмәттә (Миңнебай) радиотелевизион җиһазларга планлы профилактика үткәрелә», - диелә хәбәрдә.

Профилактика эшләрен үткәрүнең тагын да төгәлрәк графигы белән Смотрицифру.рф сайтындагы «Теле- радиосигналны вакытлыча өзү» бүлегендә яки Телетамашачы кабинетында, шулай ук «Телегид» мобиль кушымтасында танышырга мөмкин.

autoscroll_news_right_240_400_1
autoscroll_news_right_240_400_2
news_bot_970_100