Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Актанышта гаилә мәктәбе дәресләре булды
Проект психологлар, дин әһелләре, табиблар катнашында узучы дәресләрдә укучыларга гаилә кыйммәтләре хакында бәян итү максатыннан үткәрелә.
(Казан, 15 апрель, «Татар-информ»). Актаныш районының гражданлык хәле актларын теркәү бүлеге каршында «Гаилә мәктәбе дәресләре» моннан сигез ел элек оештырылган иде. ЗАГС бүлеге җитәкчесе Гөлфинә Мөхәмәдиева башлап җибәргән проект шактый уңышлы гамәлгә ашырылып килде.
Проект психологлар, дин әһелләре, табиблар катнашында узучы дәресләрдә укучыларга гаилә кыйммәтләре хакында бәян итү максатыннан үткәрелә. Бу турыда Актаныш районы мәгълүмат үзәге хәбәр итә.
Пандемия вазгыяте шартларында үз эшчәнлеген туктатып торырга мәҗбүр булган «Гаилә мәктәбе дәресләре» бүген янә җанландырылды.
Өлкән сыйныф укучылары белән очрашуга өлкән психолог Фәһимә Шәйгәрданова, районның имам-мөхтәсибе Руслан хәзрәт Мортазин килгән иде.
Чараны ЗАГС бүлеге җитәкчесе Гөлфинә Мөхәмәдиева алып барды. Гаилә мәктәбе дәресләрен тыңлаган укучыларга истәлек бүләкләре тапшырылды.
Кызыклы яңалыкларны күзәтеп бару өчен Телеграм-каналга язылыгыз