Уфада велосипедчыларга һәйкәл куйганнар

Әлеге арт-проект яңартылган җәяүлеләр юлында пәйда булган.

(Казан, 14 ноябрь, “Татар-информ”). Уфада велосипедчыларга һәйкәл куйганнар. Бу хакта “Башинформ” хәбәр итә.

Әлеге яңа арт-проект Октябрь проспекты һәм Степан Халтурин урамы киселешендәге яңартылган җәяүлеләр юлында пәйда булган. Скульптура композициясе велосипедта йөрүче ир-ат һәм аның улын гәүдәләндерә.