Иртәгә Яр Чаллы муниципаль берәмлегендә президиум утырышы була

Шәһәр Советының 52 нче сессиясе барышында берничә мәсьәлә каралачак

(Казан, 14 июль, “Татар-информ”, Роза Исмәгыйлова). 15 июль көнне Чаллы шәһәре хакимиятенең 405нче залында шәһәр Советының президиум утырышы була, дип хәбәр итә “Шәһри Чаллы” хәбәрчеләре.
52нче сессиянең көн тәртибендә икенче чакырылыш шәһәр советына депутатлар сайлау көнен билгеләү, хосусыйлаштыру исемлегенә өстәмә объектлар кертү, Чаллының кайбер урамнарына исем бирү кебек берничә мөһим мәсьәлә каралачак.