Башкортстанда 65 яшьтән өлкәнрәк кешеләр өчен мәҗбүри үзизоляцияләү режимы бетерелде

Үзгәрешләр пәнҗешәмбе, 15 апрельдә үз көченә керә.

(Казан, 14 апрель, «Татар-информ»). Башкортстан башлыгы Радий Хәбиров яңа коронавирус инфекциясе таралуга бәйле рәвештә «Югары әзерлек» режимы турындагы указга үзгәрешләр кертте.

«Башинформ» хәбәр итүенчә, рәсми документта 65 яшьтән өлкәнрәкләр һәм хроник авырулардан интегүчеләр өчен үз-үзеңне изоляцияләүнең мәҗбүри режимын юк итү турында әйтелә. Үзгәрешләр пәнҗешәмбе, 15 апрельдә үз көченә керә.

Шул ук вакытта республика хакимияте югарыда аталган категория гражданнарга үз-үзеңне изоляцияләү режимын үтәргә киңәш итә.