Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда эшсезлек өч тапкыр кимегән
2021 ел нәтиҗәләре буенча республика эш белән тәэмин итүнең пандемиягә кадәрге дәрәҗәсенә әйләнеп кайтты.
(Казан, 14 гыйнвар, «Татар-информ», Наталья Рыбакова). 2021 ел нәтиҗәләре буенча Татарстан эш белән тәэмин итүнең пандемиягә кадәрге дәрәҗәсенә әйләнеп кайтты. Төбәктә эшсезлек дәрәҗәсе өч тапкыр кимегән. Бу хакта ТР Хезмәт, эш белән тәэмин итү һәм социаль яклау министры Эльмира Зарипова ведомствоның йомгаклау коллегиясендә хәбәр итте.
«Ел нәтиҗәләре буенча эшсезлек дәрәҗәсе өч тапкыр кимеде һәм 0,57 процент тәшкил итте. 2021 елда эш эзләүче гражданнарны эшкә урнаштыру 2020 ел белән чагыштырганда ике тапкырга артты. Без „Россиядә эш“ бердәм цифрлы платформасында актив эшлибез. 2022 елның гыйнварыннан җитди үзгәрешләр була. Хезмәткәрләре 25 кешедән артык булган барлык эш бирүчеләр дә платформада актуаль вакансияләр турында мәгълүмат урнаштырырга бурычлы», - диде ул.
Бүген «Россиядә эш» платформасында татарстанлылар өчен 52 меңгә якын вакансия тәкъдим ителгән. Шунысын да билгеләп үтәргә кирәк, ел ахырына төбәктә республика халкының 62,5 проценты эшле иде, шул ук вакытта ил буенча бу сан – 59,8 процент, ә Идел буе федераль округында 59 процент тәшкил итте.
Кызыклы яңалыкларны күзәтеп бару өчен Телеграм-каналга язылыгыз