Тәтеш шәһәре буенча иң яхшы Яңа ел бизәлеше бәйгесенә нәтиҗә ясалды
Җиңүчеләр дипломнар, акчалата призлар белән бүләкләнде.
Скопировать ссылку
(Казан, 14 гыйнвар, "Татар-информ", "Тәтеш таңнары"). Тәтеш шәһәре буенча иң яхшы яңа ел бизәлеше бәйгесенә нәтиҗә ясалды. Бу хакта район басмасы хәбәр итә.
Катнашучылар “Административ биналар һәм предприятиеләр, учреждениеләр, оешмалар территориясенең иң яхшы яңа ел бизәлеше”, “Кар фантазияләре”: иң яхшы Яңа ел сурәтләре бизәү”, “Шәхси торак йортларның иң яхшы Яңа ел бизәлеше”, “Күп фатирлы торак йортларның иң яхшы Яңа ел бизәлеше” номинацияләрендә бүләкләнде.
Шулай ук, “Кар фантазияләре”: иң яхшы кар сурәтләре ясау”, “Кар сурәтләре буенча “Яңа 2019 ел символы” дигән өстәмә номинацияләрдә җиңүчеләр ачыкланды.
“Авыл җирлекләре арасында иң яхшы бизәлгән административ бина”, “Торак йортларның иң яхшы Яңа ел бизәлеше” номинацияләрендә җиңү яулаучыларга да дипломнар, акчалата призлар тапшырылды.