Россиякүләм мәктәп урманчылыклары бәйгесенә гариза кабул ителә

Бәйгедә "Урман торгызу"; "Урманны саклау һәм яклау"; "Мәгърифәтчелек эшчәнлеге"; "Мәктәп урманчылыгы эшчәнлеген оештыру" номинацияләре була.

(Казан, 13 октябрь, "Татар-информ"). Мәктәп урманчылыкларының "Иң яхшы мәктәп урманчылыгы – 2019" россиякүләм смотр-конкурсына гаризалар кабул ителә. Аны Федераль урман хуҗалыгы агентлыгы оештыра. Бу турыда ТР Урман хуҗалыгы министрлыгы матбугат хезмәте хәбәр итте.

Конкурс Россия Федерациясе субъектларының белем бирү һәм урман хуҗалыгы оешмалары базасында эш итүче мәктәп урманчылыклары арасында 4 номинация буенча үткәрелә: "Урман торгызу";  "Урманны саклау һәм яклау"; "Мәгърифәтчелек эшчәнлеге"; "Мәктәп урманчылыгы эшчәнлеген оештыру".

Конкурста катнашу өчен  мәктәп урманчылыгы эшчәнлеге турында анкета-заявка һәм материалларны 25 октябрьгә кадәр түбәндәге электрон адреска җибәрергә кирәк: iri-vukolova@yandex.ru.