Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саба районында ТАССРның 100 еллыгы флагын каршы алдылар
Бәйрәм чарасында «ТАССР төзелүгә 100 ел» истәлек билгеләре тапшырылды.
(Саба, 13 август, «Татар-информ», «Саба таңнары», Илмира Галимуллина). Узган шимбәдә Саба районы ТАССРның 100 еллыгы флагын милли көйләр астында чәкчәк белән зурлап каршы алдылар. Юбилей әләме ул көнне районда уздырылган күп кенә бәйрәм чараларында җилфердәде. Бу турыда район басмасы хәбәр итә.
«Әләмне зур горурлык белән каршы алып, бүген районда үтәсе чараларда хөрмәтләнергә чакырабыз», — диде Саба муниципаль районы башкарма комитеты аппараты җитәкчесе Марат Кәримов.
Әләм беренче булып бистәбезнең иң ямьле урыны — Саба яр буена таба юл алды. Көчле алкышлар астында аны Саба муниципаль районы башлыгы Рәис Миңнеханов кабул итеп, тантаналы шартларда әләмгә Саба районы гербы төшерелгән тасманы беркетте.
«ТАССРның 100 еллыгы әләме эстафетасын шатланып кабул итәбез. Уйлап карасак, 100 еллык тарих эчендә күпме уңышлар, күпме кичерешләр ята. Гөрләтеп яшәгән, чәчәк аткан республикабыз белән хаклы рәвештә горурланабыз. Татарстан тормышында 90 еллык бай тарихы булган Сабабыз да лаеклы урын били. Исән-имин булып, районның 100 еллыгын да, киләчәк буыннарга меңъеллыгын да каршы алырга язсын», — диде район башлыгы.
Бәйрәм чарасы «ТАССР төзелүгә 100 ел» истәлек билгеләрен тапшыру тантанасы белән дәвам итте.
Истәлек билгесенә мелиорация өлкәсендә күпьеллык намуслы хезмәтләре өчен «Саба Мелиорация» ПМК”сы җәмгыяте баш инженеры Фаяз Кәбиров, куркынычсызлык техникасы буенча баш инженеры Надил Үтәгәнов, төзелеш өлкәсендә күпьеллык нәтиҗәле хезмәте һәм районның социаль-икътисади үсешенә зур өлеш керткәне өчен «159нчы ПМК» җәмгыяте директоры Фәргать Нәбиуллин лаек булды.
Шулай ук шәхси эшмәкәрләр Алмаз Әхмәтовка һәм Айнур Гатауллинга үзләре җитештерә торган товарларга «Татарстан АССРның 100 еллыгы» билгесен куллануны раслаучы сертификат та тапшырылды.
Кызыклы яңалыкларны күзәтеп бару өчен Телеграм-каналга язылыгыз