Нурлат районы делегациясе Самара Сабан туен үткәрергә әзерләнә

12 июньдә Самараның Юрий Гагарин исемендәге паркында Сабан туе була.

(Казан, 13 май, «Татар-информ»). Ел саен Татарстан вәкилләре төбәкләргә Сабан туеның мәдәни программасын оештыруда ярдәм итә. Быел Нурлат районы Самара өлкәсендә бәйрәм уздыруда катнаша. Бу хакта Самара татарлары сайты хәбәр итә.

Хәзерге вакытта Юрий Гагарин исемендәге паркта узачак Сабан туена әзерлек бара. Бәйрәм 12 июньдә була.

"Нурлатлылар бай концерт программасы белән сөендерәчәк. Барысы да иң яхшы традицияләрдә узарга тиеш", диелгән бу хәбәрдә.

Бүген Татарстан Республикасының Нурлат районы делегациясе халык күңел ачу урынында күчмә эшлекле киңәшмә үткәрде. Чара барышында төп оештыру мәсьәләләре турында фикер алыштылар.