Чүпрәле районында урамнарны санитар эшкәртү үткәрелә

Җәмәгать киңлекләрен — ишегалларын, урамнарны, тротуарларны дезинфекцияләү коронавирус инфекциясе таралуны булдырмау өчен үткәрелә.

(Чүпрәле, 13 апрель, «Татар-информ», «Туган як», Гөлия Фәизова). Чүпрәле районы үзәге урамнары көн саен махсус эретмә белән эшкәртелә. Бу турыда район басмасы хәбәр итә.

«Аңлавыгызны сорыйбыз. Санитар эшкәртү кешеләр һәм үсемлекләр өчен куркынычсыз, ә вируска каршы көрәштә файдасы гаять зур», — дип язган Инстаграмда район башлыгы Марат Гафаров.

Исегезгә төшерәбез, Чүпрәле районында коронавирус таралуны булдырмау буенча күп чаралар күрелә.