100дән артык татарстанлы Россия Кулланучылар хокукларын яклау өлкәсендә күзәтчелек буенча федераль хезмәтенә мөрәҗәгать иткән

Нигездә, мөрәҗәгатьләр сәүдә, финанс хезмәтләр һәм ТКХ хезмәтләренә кагыла

(Казан, 13 апрель, «Татар-информ»). 6-10 апрельдә Кулланучылар хокукларын яклау өлкәсендә күзәтчелек буенча федераль хезмәтнең ТР буенча идарәсенә кулланучылар хокукларын яклау мәсьәләләре буенча 120 татарстанлы мөрәҗәгать иткән. Нигездә, мөрәҗәгатьләр сәүдә (30), финанс хезмәтләр (13) һәм торак-коммуналь хуҗалык хезмәтләренә (26) кагыла, шулай ук башка темалар буенча да 51 мөрәҗәгать булган.

Казанның федераль судьясы карары белән кулланучыларның косметик чаралар сату-алу килешүе буенча түләгән акча мәсьәләсендә дәгъвалары өлешчә канәгатьләндерелгән. Хәзерге чорда ведомствоның 236-94-11 номерлы "кайнар линия" телефоны аша 253 шалтырату кабул ителгән, алар буенча аңлатма һәм консультацияләр бирелгән.