Аксубайда балык тоту буенча ярыш оештыралар

Ярышны районның Аучылар һәм балыкчылар җәмгыяте оештыра.

(Аксубай, 13 март, «Татар-информ», «Авыл таңнары», Людмила Жаренова). Якшәмбе, 15 мартта, Аксубайда һәвәскәр балыкчылар арасында боз астыннан ялтыравык батыргычлы кармак белән балык тоту буенча ярыш уза. Бу турыда район басмасы хәбәр итә.

Ярышны районның Аучылар һәм балыкчылар җәмгыяте оештыра. Балыкчылар Яңа Аксубайның «Птичник» буасына җыела.

Ярыш 9:00 сәгатьтә башлана. Катнашучылар 8:00 сәгатьтә теркәлә башлаячак.