Көтелгән Зәй ипие сатуга чыкты

Ипи заводы ябылганнан соң, имеш-мимешләр күп булды

(Казан, 12 сентябрь, “Татар-информ”). Зәйдә икмәк пешерү заводы ябылганнан соң, халык арасында имеш-мимешләр күп булды. Узган ел исә эшмәкәр Анатолий Шалафаев элеккеге ипи заводы бинасын сатып алып, анда зур төзекләндерү эшләре башкарып, быел аны эшләтеп җибәрде.

Сентябрь аеннан “Зәй ипие” җаваплылыгы чикләнгән ширкәте ипи һәм ипи-күмәч эшләнмәләре җитештереп, район авыллары кооператив кибетләренә сатуга чыгарды. Тиздән җирле продукция шәһәр сәүдә нокталарында да пәйда булачак, дип белдерә “Зәй офыклары” басмасы.