Иртәгә INSERTS халыкара архитектура проект-белем бирү семинары ябылачак

Катнашучыларның Бишбалта бистәсе үсешенә багышланган проектлары тәкъдим ителәчәк

(Казан, 12 сентябрь, “Татар-информ”). Иртәгә Казан Ратушасында “Инсерты” – Бишбалта бистәсе” INSERTS халыкара архитектура проект-белем бирү семинары ябылачак.

Чара кысаларында семинарга йомгак ясалачак һәм катнашучыларның Бишбалта бистәсе үсешенә багышланган проектлары тәкъдим ителәчәк.

Семинарны ябу тантанасында Татарстан Президенты Рөстәм Миңнехановның һәм Казан мэры Илсур Метшинның катнашуы көтелә, дип хәбәр итә Казан шәһәре Думасы Аппаратының Җәмәгатьчелек һәм массакүләм мәгълүмат чаралары белән элемтәләр бүлеге.