Апас районында дуслык, теләктәшлек, хезмәттәшлек аллеясы булдырылды

Үзәк урам тагын да ямьләнде

(Казан, 12 сентябрь, “Татар-информ”). Апас районында дуслык, теләктәшлек, хезмәттәшлек аллеясы булдырылды. Район башлыгы Рәшид Заһидуллин инициативасы һәм “Бердәм Россия” партиясе катнашында хакимият бинасы каршына туя үсентеләре, ягъни, тормыш агачлары утыртылды.

Аллы-гөлле чәчәкләр янында яшел гүзәлкәйләр дә урын алгач, үзәк урам тагын да ямьләнде. Бу изге эш туган төбәгебезне яшелләндерү, сулар һавабызны сафландыру нияте белән беррәттән, дуслык күперен тагын да ныгытты. Әлеге чарада район вәкилләре белән бергә республика кунаклары да катнашты, дип белдерә “Йолдыз” басмасы.