Казан халкына торак-коммуналь хуҗалык мәсьәләләре буенча консультация бирәчәкләр

Ачык ишекләр көне «ЖКХ Контроль» үзәгендә узачак.

(Казан, 12 март, «Татар-информ»). Иртәгә Татарстанның Роспотребнадзор белгече үз компетенциясе буенча теләгән бар кешегә дә торак-коммуналь хуҗалык мәсьәләләре буенча консультация бирәчәк. Бу хакта идарәнең матбугат хезмәте хәбәр итә.

Ачык ишекләр көне «Татарстан Республикасы торак-коммуналь хуҗалык өлкәсендә иҗтимагый контроль региональ үзәге» мәйданчыгында узачак. Адресы: Казан, Лобачевский ур., 10в, 4 нче подъезд.

«Чара ел саен Халыкка көнкүреш хезмәте күрсәтү һәм торак-коммуналь хуҗалык хезмәткәрләре көне алдыннан уза», — дип хәбәр итә идарәнең матбугат хезмәте.

Чара иртәнге унда башлана.