Татарстанда бүген кыска вакытлы яңгыр көтелә

Көндезге һава температурасы 14 градус җылы булачак.

(Казан, 11 октябрь, “Татар-информ”). Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген – 11 октябрьдә, республикада алмашынучан болытлы һава торышы саклана.

Татарстанда, шул исәптән Казанда да иртән һәм көндез кыска вакытлы яңгыр көтелә. Җил көньяк-көнчыгыш тарафтан исә, уртача тизлектә.

Татарстанда көндезге максималь һава темпертурасы – +6..+11, көнчыгыш районнарда – +14, Казанда +8..+10 градус булачак.