Азнакайның ашыгыч медицина ярдәме дүрт яңа автомобильгә ия булды

Агымдагы елда сырхауханәләр автопаркын яңартуга 860 млн сум бирелгән.
(Казан, 11 сентябрь, "Татар-информ", "Маяк", Резада Шәрипова). Азнакайның ашыгыч медицина ярдәме дүрт яңа автомобильгә ия булды. Бу хакта район газетасы яза.  Әлеге бүләкне район үзәк сырхауханәләренә Татарстан Хөкүмәте ясады. Агымдагы елда сырхауханәләр автопаркын яңартуга 860 млн сум бирелгән. Район үзәк сырхаунәсе баш табибы Илдар Шиһаповка автомобиль ачкычларын ТР Дәүләт Сәветы рәисе Фәрит Мөхәммәтшин тапшырды.