Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиянең ерак районнарында җанисәп 1 октябрьдән башлана
Михаил Мишустин халык санын алуны 2021 елның апреленә күчерү турында карарны имзалады.
(Казан, 11 июль, «Татар-информ»). Бөтенроссия халык саны алу ерак районнар өчен 2020 елның 1 октябрендә башлана. Бу хакта Бөтенроссия халык санын алу (ВПН) сайтында хәбәр ителә.
«Бөтенроссия халык санын алу Россиянең бөтен төбәкләренә, хәтта иң кечкенә һәм ерак урнашкан торак пунктларга да кагылачак. Ерак территорияләрдә халык санын алу 2020 елның 1 октябреннән 2021 елның 30 июненә кадәр булачак», — диелә ВПН медиаофисы сайтында.
Коронавирус пандемиясе аркасында халык санын алу вакыты күчерелде. 27 июньдә Россия Премьер-министры Михаил Мишустин җанисәпне 2021 елның апреленә күчерү турында карарны имзалады.
Булачак акция ил тарихында беренче тапкыр цифрлы җанисәп булачак. Халык санын алучыларның һәрберсенә махсус программалы планшетлар биреләчәк. Бу программада халык саны алу өчен электрон бит, шулай ук мәгълүматларны саклауның иминлеген тәэмин итә торган технологияләр булачак.
Моннан тыш, гражданнар үзләренә уңайлы вакытта халык санын алу битләрен дәүләт хезмәтләре порталында тутыра алачак.
Ахыргы йомгаклар рәсми рәвештә 2022 елның дүртенче кварталында басылып чыгачак.
Кызыклы яңалыкларны күзәтеп бару өчен Телеграм-каналга язылыгыз