Әлмәттә Ленин урамында чәй скверы барлыкка киләчәк

«Безнең ишегалды» һәм «Уңайлы шәһәр тирәлеген формалаштыру» программаларын гамәлгә ашыру Әлмәтне яхшырта.

(Казан, 11 июль, «Татар-информ», «Әлмәт таңнары»). Әлмәттә Ленин урамында чәй скверы барлыкка киләчәк. Бу хакта җирле басма хәбәр итә.

Дүрт ел эчендә Әлмәт районында 532 шәһәр һәм авыл ишегалды ремонтланачак. 2020 елда аларның территориясендә 140 күп фатирлы йортлы 52 Әлмәт ишегалдын төзекләндерү планлаштырыла.

Бу ишегаллары 11 кварталга берләштерелгән: Могҗизалар кыры микрорайоны, 12-нче номерлы мәктәп, автовокзал каршындагы район, мәшгульлек үзәге районы, 1-нче микрорайон, 3-нче микрорайон, 14-нче номерлы мәктәп, балалар поликлиникасы районы, «Гивико» рестораны, «Юлдаш» базары районы.

Шәһәрдә бер иҗтимагый киңлеккә күбрәк булачак: 12-нче номерлы йорт каршында чәй скверы дигән уңайлы почмак барлыкка киләчәк. Скверда балалар өчен уен мәйданчыгы, күләгә элмәләре булган эскәмияләр, велосипед парковкасы урнашачак. Пространство шарлар рәвешендәге арт-объектлар белән бизәләчәк, шулай ук ландшафтлы яшелләндерү һәм яктырту эшләре башкарылачак. Хәзерге вакытта скверда гранит брусчатка җәю төгәлләнеп килә һәм күләгәдәге элмәләрне монтажлау эшләре бара.