Әлки районы Яңа Чаллы авылында үзара салымга юл салачаклар

Яңа Чаллының Совет урамында 400 метр озынлыктагы юл салырга планлаштыралар

(Казан, 11 июль, «Татар-информ», «Әлки хәбәрләре», Лия Мардегаллямова). Әлки районы Яңа Чаллы авылында үзара салымга юл салалар.Бу хакта җирле газета хәбәр итә.

Яңа Чаллы авылында су башнясына кую өчен «Лоцман» автоматы сатып алганнар. Иске Чаллы авыл җирлегендә насос двигательләре белән идарә итү һәм саклау буенча заманча станция урнаштырылмаган бер генә башня калган булган.

Авыл җирлеге башкарма комитеты эшмәкәр Альберт Шәйхетдинов белән вак таш кайтаруга килешү төзегән. Бу җәйдә Яңа Чаллының Совет урамында 400 метр озынлыктагы юл салырга планлаштыралар. Әлеге эшләр үзара салым акчаларына башкарыла. Биредә бу салымны халык үз вакытында түли.