Кукмарада балаларны зыянлы мәгълүматлардан саклау темасына киңәшмә үтте

Чара чыгышлар, фикер алышулар белән үрелеп барды.

(Кукмара, 11 март, "Татар-информ", "Хезмәт даны"). Кукмарадагы күппрофильле лицейда район башлыгы Сергей Димитриев катнашында "Социаль челтәрләрдә балаларны зыянлы мәгълүматлардан саклау" дигән темага семинар-киңәшмә узды, дип хәбәр итә kukmor-rt.ru сайты.

Семинар-киңәшмәгә мәктәп директорлары, аларның урынбасарлары, психологлар чакырылган иде. Чарада район Башкарма комитеты җитәкчесе урынбасары Розалия Галиева, район эчке эшләр бүлеге җитәкчесе Рамил Нургалиев, прокурор Ришат Шакиров, Кукмара беренче гимназиясе, Олыяз, кичке мәктәп директорлары Васил Касыймов, Гомәр Хаҗиев, Салават Каюмовлар, "Форпост" оешмасы директоры Айгөл Сафина, Биектау районының Психологик-педагогик хезмәт психологы Резидә Гыймрановаларның чыгышлары тыңланды, булган проблемалар уртага салып сөйләшенде, темага кагылышлы видеороликлар күрсәтелде.