Әмзәлеләр юлны үз көчләре белән түшиләр

Иске ферманы сүтеп, ташларын авыл эчендәге урамга җыйдылар

 (Казан, 10 сентябрь, “Татар-информ”). Нурлат районының Иске Әмзә авылында авыл эчендәге юллар проблемасын авыл җирлеге башкарма комитеты үз көчләре белән хәл итәргә булды. Иске ферманы сүтеп, ташларын авыл эчендәге ике төп урамга һәм иң сазлыклы урыннарга ташып чыктылар. Хәзер аны ваклау һәм ком салу турында кайгырталар. Якын киләчәктә шул тәртиптә юлны зиратка кадәр сузарга уйлыйлар, дип белдерә “Дуслык” газетасы.