Кискен сулыш алу органнары авырулары һәм грипп белән чирләүчеләр саны югары

Кискен сулыш алу органнары авырулары һәм грипп белән чирләүчеләр саны югары

(Казан, 10 март, "Татар-информ", Ирина Ксенофонтова). Республикада кискен сулыш алу органнары авырулары һәм грипп белән авыручылар саны эпидемия бусагасыннан 37,9 процентка югары.

Санитария-эпидемиология хезмәте мәгълүматлары буенча 28 февральдән 6 мартка кадәр республикада кискен сулыш алу органнары авыруының 24255 очрагы теркәлгән, шул исәптә 12124е - балалар. "Грипп" диагнозы 3897 татарстанлыга куелган. Эпидемия бусагасыннан иң югары күрсәткеч Чаллы (53,9 процент), Казан һәм Алабугада (45,4 процент) билгеләнгән. Гомумән алганда, узган ел белән чагыштырганда Татарстанда авыручылар 9,1 процентка арткан.