Пермьдә «Чәкчәк» татар яшьләре оешмасының рәсми сайты булдырылды

Сайт татар һәм рус телләрендә эшли.
(Казан, 10 февраль, «Татар-информ»). Пермь крае яшьләре өчен ешрак аралашу һәм яңалыкларны күбрәк белү мөмкинлеге ачылды. «Татар мәдәнияте. Яңа караш» Президент грантлары бәйгесендә җиңгән «Чәкчәк» татар яшьләр оешмасының рәсми сайты булдырылды. Бу хакта Бөтендөнья татар конгрессы матбугат хезмәте хәбәр итә.Бу оешма турында сайтта ук белеп була, биредә барлык мәгълүмат җыелган. Сайт ике телдә - татар һәм рус телләрендә эшли.