Спас районында күп балалы гаиләләргә азык-төлек җыелмалары өләштеләр

Күп балалы әниләр Казанның  «Умиление» үзәге хезмәткәрләре балалар өчен алып килгән киемнәрне сайлап алды.

(Казан, 9 ноябрь, «Татар-информ»). Болгар шәһәренең Изге Авраамиев гыйбадәтханәсенең социаль һәм хәйрия ярдәме буенча волонтерлар хезмәте Спас районының күп балалы гаиләләренә 20 азык-төлек җыелмасы, балалар ризыклары һәм гигиенасы чаралары белән ун җыелма таратты. Бу хакта «Новая жизнь» газетасы яза.

Ярдәм Казан шәһәренең «Умиление» гаилә, аналарны һәм балачакны яклау үзәге тарафыннан тәкъдим ителде. Шулай ук күп балалы әниләрнең мәхәлләнең дуслары алып килгән балалар әйберләрен сайлап алу мөмкинлеге бар иде.

Икътисади кыенлыклар чорында барыннан да бигрәк ялгыз картлар, күп балалы гаиләләр һәм ялгызы гына берничә бала үстерүче әниләр зыян күрә. Алар өчен катлаулы вакытта азык-төлек яки кием-салым бик зур ярдәм булып тора.