Түбән Камада матур датада 15 пар гаилә корган

Түбән Кама ЗАГС идарәсендә туй көннәре өчен җомга һәм шимбә иң популяр көннәр булып тора.

(Казан, 9 август, «Татар-информ»). Шимбә, 8 августта, Түбән Камада 15 пар гаилә корган. Быел 8 август шимбәгә туры килгән. Бу язылышу өчен иң популяр көн. Моннан тыш кияү белән кәләшне матур дата (08.08.2020) җәлеп иткән. Бу хакта Түбән Кама ЗАГС идарәсенең Инстаграм битендә хәбәр ителә.

«Сигеез саны уңыш, иминлек һәм чиксез бәхетне символлаштыра дип санала. Бу көнне корылган гаилә нык һәм бәхетле булачак», диелгән хәбәрдә.

Түбән Кама ЗАГС идарәсендә туй көннәре өчен җомга һәм шимбә иң популяр көннәр булып тора. Ә 7 августта 14 пар никахларын рәсмиләштергән.