Иннополис университеты мобиль кулланмалар өчен яңа уен уйлап тапкан

2nd Chance кушымтасы коммерцияле түгел, һәм аны AppStore һәм Google Play дан бушлай күчереп алырга мөмкин.

(Казан, 9 июнь, «Татар-информ», Егор Никитин). Иннополис университеты мобиль кулланмалар өчен яңа уен уйлап тапкан. Сюжет буенча, уйнаучы, криоген капсулада йоклаганнан соң, мең елдан уянган галим роленә керә. Ул Җирдәге тормышны торгызырга тиеш була.

Уенны иҗат итүчеләр сүзләренчә, проект Иннополис университеты энтузиастлары тарафыннан фәнне популярлаштыру максатыннан, шулай ук “үсеш алган технологияләрне булдыру”ны күрсәтү өчен гамәлгә куелган.