Җәмгыять 9 апрель 2020 16:48

Башкортстанда үз-үзеңне изоляцияләү режимы кырысландырылган

Пенсионерлар һәм балалар өчен комендант сәгате кертелә.

Скопировать ссылку

(Казан, 9 апрель, «Татар-информ»). Башкортстанда үз-үзеңне изоляцияләү режимының үтәлешен контрольдә тоту көчәйтелде. Бу хакта коронавирус инфекциясен профилактикалау буенча киңәшмәдә республика башлыгы Радий Хәбиров белдерүенә сылтама белән «Башинформ» хәбәр итә.

Беренче чиратта штрафлар саны артачак.

«Әгәр элек режимны бозган кешеләргә карата без бик йомшак мөнәсәбәттә булсак, хәзер беркемне дә кызганмаячакбыз. Чөнки сез үзегезне дә, сездән авыру йогу куркынычы булган кешеләрне дә кызганмыйсыз, - диде республика башлыгы. — Без сез өйдә калсын һәм тагын ике атна түзсен өчен контрольне көчәйтәчәкбез».

Моннан тыш, пенсионерлар һәм балалар өчен комендант сәгате дә кертелә.

65 яшьтән өлкәнрәк кешеләргә җирле вакыт белән 18.00 сәгатьтән 10.00 сәгатькә кадәр җәмәгать урыннарында булу тыела. Балалар өчен урамда булуны тыю 18.00 сәгатьтән 13.00 сәгатькә кадәр каралган.

#Башкортстан #Коронавирус буенча карантин #коронавирус

Сәхифәләр

Башкортстанда үз-үзеңне изоляцияләү режимы кырысландырылган