Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда җәмәгать транспортында билет бәясе кыйммәтләнә
Транспортчылар акча белән түләгән очракта бәяне 35 сумга кадәр, ә карта белән түләгәндә 30 сумга кадәр күтәрергә тәкъдим иткән, тик ул өлешчә генә канәгатьләндерелде.
(Казан, 8 декабрь, «Татар-информ»). Чаллы шәһәрендә 2022 елның 1 гыйнварыннан җәмәгать транспортында йөрү бәясе кыйммәтләнә. Ике сумга күбрәк түләргә туры киләчәк, ягъни 25 сум урынына 27 сум. Бу хакта «Челнинские известия» хәбәр итә.
Юл бәясен арттыруга гаризаны шәһәрнең транспорт компанияләре вәкилләре исеменнән Чаллы башкарма комитеты бирде. Әмма ул өлешчә генә канәгатьләндерелде. Транспортчылар акча белән түләгән очракта бәяне 35 сумга кадәр, ә карта белән түләгәндә 30 сумга кадәр күтәрергә тәкъдим итте.
Йөртүчеләр өчен файда турында сүз бармый, диде «Пассажирские перевозки» ҖЧҖ генераль директоры Николай Тятюшкин.
«Безгә машиналарны карап тотарга акча кирәк. Бездә транспорт өчен нигездә кулланыла торган дизель ягулыгы 5 сумга кыйммәтләнде, хәзер ул 53 сумга якын тора», — диде ул.
Кызыклы яңалыкларны күзәтеп бару өчен Телеграм-каналга язылыгыз