Балтач бистәсендә 2020 елда халыктан үзара салым җыю мәсьәләсе буенча тавыш бирү бара
Барлык сайлау участокларында да эш тиешле дәрәҗәдә оештырылган, халык бердәм булып тавыш бирә.
(Казан, 8 декабрь, «Татар-информ»). Балтач бистәсендә 2020 елда халыктан үзара салым җыю мәсьәләләре буенча тавыш бирү бара. Барлыгы 5 тавыш бирү участогы эшли. Җирле халкы әкренләп килә тора, тавыш бирә. Бу хакта "Хезмәт" басмасы хәбәр итә.
Мәсәлән, 1090нчы сайлау участогында Камил Шамилов һәм ирле-хатынлы Наталья һәм Сәвил Галиевлар беренче булып тавыш бирделәр.
Барлык сайлау участокларында да эш тиешле дәрәҗәдә оештырылган, халык бердәм булып тавыш бирә.
Балтачта үзара салым акчасының ярдәме бик зур дип әйтергә кирәк. Балтач шәһәр җирлегендә үзара салым акчаларына нәтиҗәле, күләмле эшләр башкарылып килде. Референдумның максатчан оештырылуын халык та дөрес аңлап кабул итә, кирәклеген таный башлады.
