Татарстанда җепшек кар явуы көтелә

Синоптиклар фаразлавынча, юлларда бозлавык хасил булуы ихтимал.

(Казан, 8 ноябрь, «Татар-информ»). Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, иртәгә – 9 ноябрьдә республикада алмашынучан болытлы һава торышы көтелә.

Урыны белән җепшек кар һәм кар явачак. Юлларда бозлавык хасил булуы ихтимал. Җил төньяк-көнбатыштан һәм көнбатыштан исә, талгын.

Татарстанда һава температурасы төнлә – 0..-5, көндезге сәгатьләрдә -1..+4 градус булачак.

Казанда төнлә -2..-4, көндез +1..+3 градус булачак.