Фәрит Мөхәммәтшин яшь экологларга: Безнең бурыч – табигать сакчыларын үстерү

Дәүләт Советы рәисе Фәрит Мөхәммәтшин экология буенча бөтенроссия олимпиадасы җиңүчеләре белән очрашты.

(Казан, 8 июнь, "Татар-инофрм"). Бүген республика Парламентында Дәүләт Советы рәисе Фәрит Мөхәммәтшин бөтенроссия экология олимпиадасы җиңүчеләре белән очрашты. Чарада шулай ук Татарстанның Мәгариф һәм фән министры Энгель Фәттәхов та булды. 

Чарада, Республика олимпиада үзәге директоры урынбасары Айнур Закиров, "Танкодром" балалар иҗат үзәге җитәкчеләре Ирине Пименова һәм Әлфия Шамаева, үзәкнең педагогы Алиса Кузина, Дәүләт Советы рәисенең рәхмәт хатларына лаек булдылар.

"Безнең максат – табигать сакчыларын, экологларны үстерү. Бу эшнең мөһимлеген һәм кирәклеген аңларга тиешбез", – диде Фәрит Мөхәммәтшин.