Татарстанлылар Мәскәүдә Билгесез солдат каберенә чәчәк салу тантанасында катнашты

Бу чара Бөек Җиңү көнен һәм безнең тарихта иң канкойгыч Бөек Ватан сугышы башлануның 80 еллыгын бәйрәм итү кысаларында узды.

(Казан, 8 май, «Татар-информ»). Бөек Җиңү көнен бәйрәм итү кысаларында, Татарстанның Россиядәге Тулы вәкаләтле вәкиллеге инициативасы белән 7 майда Мәскәүдә ел саен чәчәкләр салу тантанасы була. Тантанада Казаннан килгән Татарстан генераллары советы вәкилләре — Дамир Динниулов һәм Владимир Чайников катнашты.

Татарстанның Россиядәге Тулы вәкаләтле вәкиллеге каршында оештырылган Офицерлар клубы исеменнән Александр бакчасында Билгесез солдат каберенә һәм маршал Г.Жуков һәйкәленә чәчәк кәрзине куелды.

Бөек Җиңүнең 76 еллыгы алдыннан уздырылган чарада Татарстан Премьер-министры урынбасары — Татарстанның Россиядәге Тулы вәкаләтле вәкиле Равил Әхмәтшин, Офицерлар клубы рәисе генерал-полковник Валерий Баранов, генерал-майорлар Тимур Гәрәев, Илдар Зиннәтуллин, генерал-лейтенантлар Юрий Демидов, Рушан Мязитов, Салих Шәмсунов, Россия Геройлары — Марат Алыков, Венер Мөхәммәтгәрәев, Сергей Тулин һәм башкалар катнашты.

Ун ел элек төзелгән офицерлар клубына Россия Кораллы көчләренең Куркынычсызлык федераль хезмәтенең 180нән артык ветеранын һәм хәрби хезмәткәрен, эчке эшләр органнары, тикшерү комитеты һәм башка хокук саклау структуралары хезмәткәрләрен, шул исәптән Мәскәү төбәгендә яшәүче 16 Советлар Союзы һәм Россия Геройларын берләштерде. Алар Татарстанда туган, укыган, республикада эшләгән, яки килеп чыгышы буенча татарлар.