Мишустин Иннополис университеты күзәтчелек советының яңа составын билгеләде

ИТ-югары уку йортын Россия Хөкүмәте Рәисе урынбасары Дмитрий Чернышенко җитәкләде.

(Казан, 8 апрель, «Татар-информ»). Россия Хөкүмәте Рәисе Михаил Мишустин Иннополис Университетының күзәтү советында Россия Федерациясенең яңа вәкилләрен билгеләде. Бу турыда югары уку йортының матбугат хезмәте хәбәр итә.

ИТ-югары уку йортын Россия Хөкүмәте Рәисе урынбасары Дмитрий Чернышенко җитәкләде.

Шулай ук аның составына Россия цифрлы үсеш, элемтә һәм массакүләм коммуникацияләр министры Максут Шадаев, Россия фән һәм югары белем бирү министры Валерий Фальков, Россия икътисади үсеш министры урынбасары Татьяна Илюшникова керде.

Совет составында элеккечә Татарстан Президенты Рөстәм Миңнеханов, Татарстан Премьер-министры урынбасары Роман Шәйхетдинов, «Дигинавис» ҖЧҖ директорлар советы рәисе Николай Никифоров һәм Иннополис университеты директоры Кирилл Семенихин кала.

«Татар-информ» хәбәр иткәнчә, Иннополис университетының Ясалма интеллект үзәге тикшеренүчеләре нейрочелтәрне рентген буенча Covid-19 коронавирусны ачыкларга өйрәткәннәр.