Татарстанда бер атна эчендә ОРВИ белән авыруның 10 меңләп очрагы теркәлгән

Хәзерге вакытта республика халкы арасында авыру дәрәҗәсе эпидемия чигеннән 34,1 процентка түбән.

(Казан, 7 ноябрь, "Татар-информ"). Татарстанда бер атна эчендә ОРВИ белән авыруның 10 мең 291 очрагы теркәлгән. Алдагы атна белән чагыштырганда, ул 18,6 процентка кимегән.

Хәзерге вакытта республика халкы арасында авыру дәрәҗәсе эпидемия чигеннән 34,1 процентка түбән, дип җиткерә Кулланучылар хокукларын яклау һәм кеше иминлеге өлкәсендә күзәтчелек идарәсенең матбугат хезмәте.