Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбычтагы китапханә һәм мәктәптәпләргә китаплар бүләк иттеләр
Әлеге чарада «Татарстан Республикасы дәүләт архивы» директоры Илдар Шәфыйков һәм район башлыгы урынбасары Рәмис Хәялиев, мәктәп директорлары, китапханәчеләр катнашты.
(Казан, 7 июль, «Татар-информ», «Кайбыч таңнары», Мингазиз Сөнгатуллин). Кайбыч балалар сәнгать мәктәбенең актлар залында «Татарстан: все для фронта, все для Победы!» дип исемләнгән китапны урта мәктәпләргә, үзәк китапханәгә тапшыру тантанасы үтте. Бу турыда район басмасы яза.
Әлеге чарада «Татарстан Республикасы дәүләт архивы» директоры Илдар Шәфыйков һәм район башлыгы урынбасары Рәмис Хәялиев, мәктәп директорлары, китапханәчеләр катнашты.
«Яшьләр илебезнең, әби-бабайларының героик үткәне, ТАССР тарихы турында да белергә тиеш. Шуңа да без китапны 5 июньнән 3 июльгә кадәр Татарстандагы барлык районнардагы мәктәп китапханәләренә тапшыру акциясен үткәрбез. Тарих укытучылары дәрес вакытында, партиотик темага чаралар үткәргәндә аннан файдалансын иде», — дип сөйләде Илдар Шәфыйков
Район башлыгы урынбасары Рәмис Хәялиев сүзләренчә, барыбыз өчен дә кадерле булган әлеге китапның кыйммәте зур. Ул китапны тантана башланыр алдыннан карап чыккан. «Казан каймасы» төзелеше турындагы язмада Кайбыч та искә алына.
«Авыр сугыш елларында безнең якларда окоп казулары турында сез барыгыз да хәбәрдар. Казан шәһәрендәге авиация заводында төзелгән самолетлар турындагы язма да миндә кызыксыну уятты. Бу китапны бастырып чыгаруда зур хезмәт куйган ТР Дәүләт архивы хезмәткәрләренә рәхмәт сүзләремне җиткерәсем килә, — диде Рәмис Хәялиев.
Тантананы китапханче Эльмира Хәялиева һәм Олы Кайбыч урта мәктәбе укучысы Аделия Садыйкова алып барды. Чарада сәнгать мәктәбендә шөгыльләнүче укучылары да чыгыш ясады.
Кызыклы яңалыкларны күзәтеп бару өчен Телеграм-каналга язылыгыз