Пакьстанлы Корбан бәйрәменә терлекләрне күп катлы йортның түбәсендә үстергән

Карачида яшәүче үз йорты түбәсеннән терлекләрне кран белән төшергән

 (Казан, 6 сентябрь, «Татар-информ»). Пакьстанның Карачи шәһәрендә яшәүче кеше Корбан бәйрәме өчен терлекләрне үз йортының түбәсендә үстергән. Бу хакта "Анадолу" сайты хәбәр итә.

Корбан бәйрәме алдыннан терлекләрне түбәдән төшерү һәм базарга илтү өчен кран чакыртканнар. Бу тамашаны карарга халык җыелган.

Карачида 20 млн кеше яши, тәртипсез төзелеш бару һәм авыл хуҗалыгы җирләре булмау сәбәпле, кешеләр Корбан бәйрәме өчен терлекләрне йортлары түбәсендә үстерергә мәҗбүр дип яза "Анадолу".