Сабаның Арташ клубы мәйданында “Бәхетле балачак” стартлары узды

Ял клубына йөрүче балалар белән берлектә төрледән-төрле спорт уеннары уйнатылды
(Казан, 6 июль, “Татар-информ”, Роза Исмәгыйлова). Сабаның Арташ клубы мәйданында Ял клубына йөрүче балалар белән берлектә “Бәхетле балачак” дип исемләнгән күңелле стартлар уздырылды, төрледән-төрле спорт уеннары уйнатылды, дип хәбәр ителә Саба муниципаль районының рәсми порталында.
Спорт ярышлары белән берлектә "Күп укыган - күп белер" дип исемләнгән викторина да уздырылды. Сорауларга тапкыр җавап бирүчеләр дип Әгъләмов Ядкар, Гарифуллин Камил, Якупова Сөмбел табылды. Аларга истәлекле бүләкләр тапшырылды.