Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда көн саен барлык подъездларның 84 процентында дезинфекция уздырыла
Казан халкы подъездларда дезинфекцияләүне сорап «Ачык Казан» системасы аша мөрәҗәгать итә.
(Казан, 6 апрель, «Татар-информ», Гөлнар Гарифуллина). Коронавирусны кисәтү максатыннан, Казанда көн саен барлык подъездларның 84 процентында дезинфекция уздырыла. Бу хакта Казан мэриясендә коронавирусны кисәтү буенча шәһәр штабы утырышында Казан башкарма комитеты җитәкчесенең ТКХ һәм төзекләндерү мәсьәләләре буенча урынбасары Искәндәр Гыйниятуллин хәбәр итте.
«Барлык күп фатирлы йортлар көн саен эшкәртелә дияргә була», — диде ул.
27 марттан 5 апрельгә кадәр «Ачык Казан» системасына Казан халкыннан подъездларда төрле катларга баскычтан менү урыннарын дезинфекцияләүгә 3 мең 248 гариза килеп ирешкән. «Бу гаризалар буенча эш 88 процент дәрәҗәдә башкарылган. Ул башкарма комитетлар контролендә», — дип әйтте Искәндәр Гыйниятуллин.
Ул, шулай ук, ведомство йортлары милекчеләре, торак кооперативлары, тулай тораклары рәисләре дә эшчәнлеген көчәйтергә тиешлеген искәртте.
Кызыклы яңалыкларны күзәтеп бару өчен Телеграм-каналга язылыгыз