Аксубайда беренче карны җиңделәр

Кышның беренче көннәрендә яуган кар балалар өчен куаныч булса, юл һәм коммуналь хезмәт хезмәткәрләре алдына чистарту бурычын куйды

(Казан, 5 декабрь, «Татар-информ»). –Юл һәм коммуналь хезмәтләр үзләренең юлларны кардан чистартуга бәйле эшләренә намуслы якын килделәр,–дип сөйли шәһәр тибындагы Аксубай бистәсенең башкарма комитет җитәкчесе Леонид Жуков. –Юлларны тәртиптә тоту эше штат режимында алып барыла. Күпләп кар яуган чорда юлларны боз катуга каршы материал белән берничә тапкыр эшкәртү оештырылды. Тулаем алганда тәүлек әйләнәсе өч техника эшләде. Җәяүлеләр өчен тротуарларны чистартуга һәр көнне җиде юл хезмәткәре чыга, дип хәбәр ителә ТР муниципаль  берәмлекләре порталында.