Электр самокатлары аркасында юл йөрү кагыйдәләренә төзәтмәләр кертеләчәк

Төзәтмәләр проекты буенча фикер алышалар.

(Казан, 5 октябрь, «Татар-информ»). ТР Транспорт һәм юл хуҗалыгы министрлыгында һәм Дәүләт автоинспекциясендә юл йөрү кагыйдәләренә төзәтмәләр әзерлиләр. Алар «шәхси мобильлек чаралары» терминын кертүне күздә тота. Бу хакта «Коммерсант»ка Россия Эчке эшләр министрлыгының Юл хәрәкәте иминлеге фәнни үзәге башлыгы Дмитрий Митрошин сөйләде. РИА Новости шул хакта яза.

Аның сүзләренчә, сүз электр самокатлары, гироскутерлар, сигвейлар, скейтлар, роликлар һәм монотәгәрмәчләр турында бара.

Әгәр дә маршрут участогында велосипед юллары да, тротуарлар да юк икән, машиналар йөри торган юлга чыгарга рөхсәт ителә, әмма аларга уң рәттә булырга кирәк.

Төзәтмәләр проекты буенча фикер алышалар, диде Дмитрий Митрошин.