Казанда шикәр авыруы өзлегүләрен дәвалау мәсьәләләре каралачак

22 октябрьдә Казанның “Шаляпин” кунакханәсендә “Шикәр авыруы китергән өзлегү нәтиҗәсендә аяк табаны тукымаларының “үлемен” диагностикалау, дәвалау һәм кисәтүнең актуаль мәсьәләләре” темасына I Төбәкара фәнни-гамәли конференциясе ачылачак

(Казан, 5 октябрь, “Татар-информ”, Ләйсән Әсәдуллина). 22 октябрьдә Казанның “Шаляпин” кунакханәсендә “Шикәр авыруы китергән өзлегү нәтиҗәсендә аяк табаны тукымаларының “үлемен” диагностикалау, дәвалау һәм кисәтүнең актуаль мәсьәләләре” темасына I Төбәкара фәнни-гамәли конференциясе ачылачак.

Казан дәүләт медицина университетының рәсми сайтыннан алган хәбәргә күрә, конференциядә республикабызның ТР Сәламәтлек саклау министрлыгы белгечләре, Республика клиник хастаханәсе, Казан эндокринология диспансеры, 16, 5-нче шәһәр клиник хастаханәләре табиблары, Казан дәүләт медицина университеты галимнәре, неврологлар, хирурглар, эндокринологлар катнашуы көтелә. Форумда Казанда шикәр чире нәтиҗәсендә килеп чыккан табан авыруыннан интегүчеләргә хирургия ярдәмен күрсәтү; табан авыруын комплекслы дәвалау; шикәр авыруының неврологик билгеләре; авыруларны дәвалауда инновацион технологияләр; табан авыруы билгеләренә терапевт карашы һәм башка темаларга кагылышлы чыгышлар тәкъдим ителәчәк.

Конференцияне оештыручылар – Казан дәүләт медицина университеты, Казан шәһәре сәламәтлек саклау Идарәсе, 5-нче шәһәр клиник хастаханәсе.