Җәмгыять 5 март 2021 22:41

Актанышта районның алдынгы хатын-кызларын хөрмәтләделәр

Энгель Фәттахов югары хезмәт нәтиҗәләренә ирешкән алдынгы хатын-кызларга хөкүмәт бүләкләрен тапшырды.

Скопировать ссылку

(Казан, 5 март, «Татар-информ»). Бүген Актанышта Әлфия Авзалова исемендәге район мәдәният сараенда 8 март — Халыкара хатын-кызлар көне уңаеннан хезмәтләрендә аеруча зур уңышка ирешкән гүзәл затларны хөрмәтләү тантанасы узды.

Бәйрәм тантанасына кадәр хатын-кызларның һәрьяклап уңган-булганлыгын күрсәтүче «Күңелем хәзинәсе» күргәзмәсе эшләде. Анда татар халык милли бизәкләре белән чигелгән тастымал-сөлгеләр, түбәтәй- калфаклар, рәсемле картиналар, камырдан, агачтан һәм башка материаллардан ясалган эшләнмәләр һ.б. тәкъдим ителде. Бу турыда Актаныш муниципаль районы мәгълүмат үзәге хәбәр итә.

Бәйрәмнең икенче өлеше сәхнә йолдызларының чыгышларын карау белән дәвам итте. Район мәдәният йорты сәнгатькәрләре, балаларның иҗат коллективлары хатын-кызларыбызга дәртле җыр-биюләрен бүләк итте.

Энгель Фәттахов югары хезмәт нәтиҗәләренә ирешкән алдынгы хатын-кызларга хөкүмәт бүләкләрен тапшырды. Башкарма комитет җитәкчесенең социаль мәсьәләләр буенча урынбасары Ләйсән Нурлыева «Күңелем хәзинәсе» күргәзмәсе җиңүчеләрен тәбрикләде.

Тантаналы чара «Агыйдел» дәүләт җыр һәм бию ансамбленең яңа концерт программасын карау белән тәмамланды.

Сәхифәләр

Актанышта районның алдынгы хатын-кызларын хөрмәтләделәр