Мәскәүдә мәктәпкә бармаска рөхсәт иттеләр, кар чистартырга хәрбиләр чыкты

Ял көннәрендә Мәскәүдә айлык норманың 100 проценты күләмендә кар яуды.

(Казань, 5 февраль, “Татар-информ”). Мәскәү мэры Сергей Собянин балаларга мәктәпкә бармаска рөхсәт итте, юлларны чистартырга хәрбиләр чыкты. Ял көннәрендә Мәскәүдә айлык норманың 100 проценты күләмендә кар яуды.

Балаларга мәктәп бармаска рөхсәт итеп, Мәскәү мэры твиттерда язды. Моннан тыш, Мәскәү халкына шәхси автомобильләрне кулланмый торырга киңәш иттеләр.

Синоптиклар хәбәренчә, мондый һава шартлары 100 елга бер тапкыр була.

Шулай ук Көнбатыш хәрби округы матбугат хезмәте хәбәр иткәнчә, Россия башкаласы урамнары хәрбиләр һәм инженер бригадаларының махсус инженер техникасы чыкты.

"Татар-информ" хәбәр иткәнчә, Татарстанда һава торышы бозылу сәбәпле, барлык идарә органнары кичекмәстән ярдәм күрсәтү режимына күчерелде.