Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Песошин: Татарстанда вакцинация теләгән темпта узмый
Татарстанда барлыгы 2 071 724 кеше коронавирустан прививка ясаткан.
(Казан, 4 декабрь, «Татар-информ»). Татарстанда Covid-19 коронавирусына каршы вакцинация оптималь темпта бармый.
«Республикада ковидның яңа очраклары арту темпы кими, әмма вазгыять киеренке кала. Беренче чиратта, әлбәттә, 60 яшьтән өлкәнрәкләр арасында авыручылар һәм үлем очраклары күп», — диде Татарстан Премьер-министры Алексей Песошин республика Хөкүмәте йортында киңәшмәдә.
«Вакцинация без теләгән темпта бармый. 175 вакцинация пункты эшли, икесе тәүлек буе кабул итә. 3 декабрьгә булган мәгълүматлар буенча, 2 058 000 кеше беренче компонентны ясаткан, бу олы кешеләрнең 80 процентын тәшкил итә.
Шул ук вакытта 60 яшьтән өлкәнрәкләр арасында бер дозаны 452 518 кеше генә ясаткан. «Бу 60 яшьтән өлкәнрәк кешеләрнең 53 проценты гына тәшкил итә», — диде Алексей Песошин.
ТР Сәламәтлек саклау министрлыгының 4 декабрьгә булган мәгълүматлары буенча, Татарстанда барлыгы 2 071 724 кеше коронавирустан вакцинация узган. Республикада яшәүче 1 625 874 кеше вакцинаның ике дозасын, ә бер көндә 13 674 кеше ковидка каршы прививка ясаткан.
Кызыклы яңалыкларны күзәтеп бару өчен Телеграм-каналга язылыгыз